Myanmar ram President U Htin Kyaw nih a President sinak rian a chuahtak cang, tiah 2018 March 21 ah Myanmar ram President Zung nih thawng a thanh.
Myanmar ram |Phunghram caang 73 (B) bantuk in President a rian in a chuah hnu ni sarih chung ah caan karlak President thim ding zong tawlrel ding in Myanmar ram President Zung nih a thanhchap.
Hi kong ah Myanmar ram President Zung Chimphuannak Nawlngeitu U Zaw Htay nih, “A dik ko, a ngandamnak zong a tha ko. A ngandamnak ca ah a herh mi operation zong aa tuah cang i a ngandamnak zong a tha ko. Asinain, a rian in dinh ka duh a ti ca ah aa dinh mi a si ko. President thar thim nakding cu Pyidaungsu Hluttaw ah Phunghram caang 73 (B) ning in tawlrel than a si ko lai,” tiah a chimchap.
Ni sarih chung ah President a bau mi hi caankarlak President thim than ding in tawlrelcolh a si ko lai, tiah Myanmar ram President Zung nih a thanh. (Ref: DVB)
