Assam Rifles le Custom Department i bawm in nizaan October 7 ah Mizoram, Zokhawthar le Melbuk kar lam ah Myanmar ram in luhpi mi phungning lo zu, beer, wine le kuak tampi an tlaih tiah kan theih.
Thawngpang an rak theih cia caah Assam Rifles le Custom Department nih Joint Operation an tuah i, Foreign cigarette caku kuang (Case) in kuang 17, whiskey kuang 15 le laang hnih, beer kuang 88, wine kuang 16 an tlaih. An thil tlaih mi cu India tangka in nuai 26.86 man a si tiah tuanvo ngeitu nih an thanh.
Myanmar ram in phungning lo thil lut an tlaih mi pawl cu Custom Prevention Force, Champhai kut ah an chiah i, phung ning in tawlrel timh a si tiah kan theih.
Photo: Assam Rifles
