Mizoram palek nih October 7, zaanlei suimilaam 1:40 hrawng ah Myanmar lei in luhpi mi kuva hnah a phortu truck pathum le motor mongtu an tlaih hna tiah tualchung media nih an tial.
Cu kuva hnah le a phortu truck pathum an tlaih hnanak hmun cu Kolasib le Bairabi kar, Uvaimual, Bairabi ah a si. Motor pathum in kuva hnah an phorh mi cu tun 299 a si. A man in cun Rs. sing 95.98 man a si. Truck mawngtu hna cu an bia ceih awk ah Deputy Commissioner, Custom Division, Aizawl sinah October 8 khan phanhpi an si tiah kan theih.
Cu kuva hnah hna cu Myanmar lei ah laakmi a si i, Champhai Zotlang in Vairengte, Kolasib District lei panhpi a si lio ah an tlaih hna tiah kan theih.
