Atu lio kan Myanmar ram lawng si loin kan vawlei pi ram kip ah a phan cuahmah mi COVID-19 zawtnak hrik ngei Myanmar ram chung ah minung 3 an si cang.
2020 March 21 ah England ram in Myanmar ram ah vanlong he a rak tlung mi Myanmar ram mi pa pakhat cu COVID-19 zawtnak hrik an hmuh than tiah Ramkomh Ngandamnak le zaanglek zung nih Facebook cahmai ah a langhter.
Atu zawtnak hrik an hmuh pa hi Yangon ramthen, Insein ah a um mi a si ca ah 2020 March 23 in Insein sii-inn pi lunghrinh in pumpak zohkhenhnak inn ah an chiah. 2020 March 24 ah a thi Dat-khuai-khan lei ah an kuat i Dat-khuai-khan lei nih zawtnak hrik a ngei ko tiah mipi sin ah an thanh.
Hi zawtnak hi vawlei pi huap in minung 12587 an thi cang i a thi mi lak ah Italy ram hi a thi mi an tam cem. Myanmar ram chung ah a thi mi cu an um rih lo nain zawtnak hrik a ngei tiah hmuh mi hi kanmah Chin pa telh in minung pathum an si cang. (Ref. Ministry of Health and Sport Myanmar)
