Myanmar ram ah umhmun chuah taak in a zaam mi ralzaam nuai khat le sing riat (1.8 million) an si cang tiah UN kuttang OCHA Zung nih nihin ah a thanh.
Cu cazin cu 2023 April 10, a hnu bik UN ca zin ning in thanh mi a si. Ralkap nih uknak an laak ni 2021 February 1 hnu buainak le himbawm lo ruang ah a zaam mi an tam bik tiah OCHA nih a langhter.
Hriamnam ngan kahnak le voi tampi vanlawng bomb thlaknak aa tel mi kahdohnak hna ruang ah umnak hmun in a zaam mi an karh cuahmah. Ram Nitlak Chaklei, Nichuah Thlanglei le Kachin ramkulh ah cun atu hi kong kan thanh lio zong ah hin pehtlai in an zaam cuahmah ko ti zong an langhter.
Cuti a si ruang ah rammi thihlohnak le inn-lo chuah taak in zaamnak a karh chin lengmang i ram dirhmun a tha kho rih lo ti zong an telh.
SAC ralkap nih April 11, Kanbalu peng chung ah vanlawng in kahdohnak a tuah ruang ah rammi tampi (Minung 170 leng) an rak thi i thinphaang taktak dirhmun an si tiah OCHA nih a langhter.
