Myanmar ram cu vawlei cung ah bing a chuah biknak ram dirhmun ah a um rih i, Chinram ah bing chinthlaknak 18% in a karh tiah United Nations Office on Drugs and Crime (UNODC) report nih December 12 ah a thanh.
Bing chinthlaknak cu Myanmar ram ah ni kum nakin tu kum 2024 ah 4% in a ṭum deuh. 2024 ah 45,200 hectors an cin i, Shan ramkulh ah 88% an cin tiah theih a si.
Chinram ah bing cinnak 18% a karh, Kayah (Karenni) ah 8% a karh, Kachin ramkulh ah 10% a zor ti a si.
Afghanistan ram ah Taliban nih 2022 kum ah rithaisii an khap hnu in 2023 ah Myanmar ram cu vawlei cung bing tam bik a chuahnak ram a hung si.
Ralkap nih nawlngeihnak an laak hnu in Myanmar ram ah bing cinthlak a karh i, bing cinthlak a karhnak hrampi cu hriamtlaih buainak ruang ah a si tiah UNODC report nih a langhter.
Chinram ah cun a hlei in Tedim peng le Tonzang peng ah bing cinnak a karh tiah theih a si. 2024 October 22-23 ah PDF Zoland nih Tedim peng ah bing lo acre 20 leng an rak hrawh cang.
