Myanmar ram ah a cang cuahmah mi ramchung ral hi nuhrin covo kong he pehtlai in thil biapi pakhat ah kan chiah awk a si, tiah President Donald Trump nih US aiawhtu UN palai ah a thim mi Elise Stefanik nih a chim.
US Senate Foreign Relations Committee nih Elise Stefanik cu atulio vawleicung thilcang pawl kong he pehtlai in zeitindah na kalpi lai tiah January 21 ah biahalnak an ngeih hi cu lio ah cun a cunglei bantuk in Myanmar kong a chim chih hi a si.
Nuhrin covo kong he pehtlai in Myanmar ram ah a cang mi ramchung ral hi thil biapi (top priority) ah kan chiah herh, tiah Elise Stefanik a chim.
Israel le Palestine karlak buaibainak kong zong ah “Israel nih amah le amah i runvennak nawl a ngei” tiah Israel dirkamh in Elise Stefanik nih a chim, tiah theih a si.
