Mizoram, Saitual Distric ah Assam Rifle nih a luan cia ni tlawmpal ah khan Myanmar lei in a rak lut mi cigarette tam ngai an tlaih tiah tualchung media nih an tial.
Assam Rifle nih thawngpang an theih cia caah, Saitual Distric, Ngopa check post a pal ding mi motor pakhat an check i ram dang in phung ning lo luhpi mi cigarette cartons 30 (Bawm 7,350) an tlaih tiah an langhter.
An tlaih mi cigarette cu India tangka in sing 32 man a si i, phung bantuk in a ngeitu hrem an si nakding ah Customs Department, Seling kut ah an pek tiah theih a si.
