Kalay peng Pyituh hluttaw in MP a ttuan liomi Pi Khawtinsiami cu tutan zuamnak ahcun ka tei lai.tiah CNLD party in Pyithu hluttaw ah a zuammi Pu No Tawk Kap nih a chim.
“Tukum February thla ahkhan Kalaymyo ah Kawl pawl nih Pi Siami duh lonak langternak ah lam an zawh (ta-peih an hmoh) an ti. Minung 500 hrawng an rak si rua, Tahchunnak ah, Kawl nih cu tibantuk in an ti i mee an pek lo ahcun Chinmi vote lawng a si hnga heiti usih, cuti a si ahcun, Chinmi vote kan i cuh hnga, Chin party ka si i Chinmi nih an ka zaangfah theu lai, cu tik ah cun ka tei lai i ka tling ko hnga, tiah,” Pu No Tawk Kap CNLD party candidate nih aa tuak ning a chim.
Hi kong he pehtlai in Pu No Tawk Kap nih, “hawikom biaruahnak i lungduh biaphainak i a chimnak ah, ka tlin ahcun term khat lawng ka tuan hnga, a ruang cu kanmah nak cak le tha mino nih tuan ve hna seh, cu tibantuk cun ruahnak ka ngei. Keimah zong hi Chin pawlpi ah OB ka ttuan, Cycle accident an zamtak mi hna ka char hna i Sii-inn ah ka phurh hna, ti bantuk le phaktawk cun Ram le Miphun rian phundang deuh in ka tuan ve peng. Mi nih vote an ka pek i ka tlin ahcun tuan ding tampi ka ngei, chim cawk lo ka nei, tiah a chim. Kalay peng aiawh pyithu hluttaw palai MP a tuan liomi Pi Khawtinsiami cu ka tei lai ka zumh ko, tiah,” CNLD in a zuam ding mi Pu No Tawk Kap nih The Hakha Post ah a chim.
