Motor le motorcycle zulhphung hi 2020 May 26 khan tampi aa thleng, cucaah ralring tein le nawl ngai tein phung zulh khawh i zuam usih, tiah Hakha Traffic Police (Motor PK) in Ye-oh (Police Superintendent) Ko Ko Aung nih July 13 ah a chim.
“Phungphai tampi aa thleng. Tahchunhnak ah licence ngei lo hoi hna kha cu hlan ahcun Ks. 100,000 lawng cawiter a si. Atu cu Ks. 300,000 bak ah a kai. Thongthlaknak kong zong a thla in a kum tibantuk ah an kai. Cun, motorcycle cu chimlo, motor zong ah kum 10 tang ngakchia thutnak thutdan a dang tein tuahpiak ding tibantuk zong a um. Atu hi COVID-19 ruang ah fimchimhnak biatak in kan tuah kho rih lo. Hi rai a kian hin cun hi phung hi biatak tein kan rengh cang lai ca ah ralring tein um usih, nawl ngai usih,” tiah Ye-oh Ko Ko Maung nih The Hakha Post ah a chim.
Motor le motorcycle khalh tik ah licence i ken ding. Anithla a dih cang mi licence hman lo ding. Motorcycle khalh tik ah luchin chinh hrimhrim ding. Chun zong ah mei ceu bu in khalh ding, tibantuk in phung thar ser a si ca ah ralrin a herh, tiah Ye-oh Ko Ko Maung nih a chim fawn.
