Fuurpi lam that lo ruang ah motor a ngan mi Sami khua a luh khawh lo ca ah, ralzaam dornak ah aa dor mi hna le khuami hna harnak an tong, tiah kan theih.
Hi kong he pehtlai in People Hope Organization Director Pu Jolly Aung nih, “Atulio harnak kan ton bik mi cu, solar, rawl chuannak ah hman mi thilri le a dangdang thilri zong Matupi a phan ko nain August 20 tiang Sami ah motor kee 6 ngei cung luh khawh a si lo an ti. Motor a ngan mi a luh khawh lo tik ah, ralzaam dornak ah aa dor mi si hna seh, Sami khuami ca ah siseh, a har ngai i, thilri lei a dongcat kho ding dirhmun ah kan um. Cucaah, kan duh mi cu, motor kee 6 ngei pawl hi kal khawhnak nawl kan pe hna sehlaw, thilri a herhhai mi ah kan chambau lai lo, tiah kan ruah,” tiah The Hakha Post ah a chim.
Nai zong ah Chin Ramkulh Cozah Sipin le Electric Minister Pu Soe Htet le RRCCI in tuanvo ngeitu upa hna zong Sami khua an kal. An i timh ning ahcun, Paletwa lei tiang kal an i tim nain lam ruang le buaibainak ruang ah Paletwa an phan kho lo. Sami ah aa dor mi ralzaam hna sin ah bawmhnak le thazaang peknak zong an ngei, tiah kan theih.
