October 14, 2022
Sagaing ramthen, Monywa peng Palek Battalion -28 in Palek Aungn Ko Ko le Palek Moe Lin Aung cu hriamnam tling he CDM an rak tuah ca ah laksawng tangka Kyats sing 100 kan pek hna tiah PDA in tuanvo ngeitu pakhat nih Yangon Khit Thit Media ah a chim.
September 28 ah rammi rungvengtu ralkap PDA sin ah pehtlaihnak an rak tuah i hriamnam tling he CDM an rak tuah tiah theih a si.
CDM a rak tuah mi Palek Aung Ko Ko nih, “Kan chungkhar umnak inn pawl ralkap nih an duah ca ah kan nu le kan pa umnak an ngei hna lo. Rak zaam ka duhnak a sau cang. Meithal le zenthong ka zaampi khawh tawk zaampi ka duh ca ah ka tlainak a si. Zaam aa tim mi dang zong an um ve,” tiah a chim.
Rammi rungvengtu ralkap bu (PDA) in tuanvo ngeitu nih cun, a rak zaam mi palek pakhat ah sing 50 veve in an pahnih ca ah Kyats sing 100 kan pek hna. CDM a tuah ding mi palek le ralkap zong kan in don hna tiah a chim.
Source: Khit Thit Media
