Monywa khua chung lam cung ah SAC ralkap nih ni hnih pehtlai in minung pahnih thi lak in an kah hna tiah Kawl media nih an tial.
March 25 le 26 ah Monywa khua, Sethmuhzone le Ywahtawng lamtonnak ah SAC ralkap nih mi chawklet an chek hna i cuka ah cun an kah mi hna a si.
“Sethmuhzone market ah, thil cawk ah an kal lio ah an phone an check hna. A phone ah Daw Suh hmanthlak a um ti ruang ah lam cung ah an kah. A nupi le a nupi nau he an si i annih zong an tlaih hna. Nihin i hai dum pawng an kah mi zong cu bantuk thiamthiam cu a si,” tiah Monywa khuami pakhat nih SPM media ah a chim.
Phone chung ah ramkheel he aa pehtlai mi a um ti in Monywa ah SAC ralkap nih ni hnih chung ah minung 40 leng an tlaih cang hna tiah theih a si.
Photo: Hmanthlak hlun a si.
