Monywa khua Kah-Ngiah-Nah Zung ah umhmun a khuar mi SAC ralhraang pawl cu PDF phu kua i bawm in an va kah hna i SAC ralkap 19 an thi tiah Chindwin Attack Force sin in theih a si.
Cu kahdohnak cu June 24 ah a cang mi a si i, ceilak in kah a tong mi SAC ralkap pawl nih Monywa Bus station hnulei, Ohsettaung leikap ah thlaam pahnih le kuva thei dum mei in an khangh.
Kah-Ngiah-Nah Zung chung ah SAC ralkap pahnih lawng an taang i, camp laak ding tiang in timh a si nain SAC lei bawmtu ralhraang an rat caah hnulei ah an kir than tiah theih a si.
Cu kahdohnak cu Chindwin Attack Force B-4 in Monywa The Boys commando phu, Monywa pengkomh B-5, B-7, B-12, B-22, B-25, B-28, Yinmarbin pengkomh B-28 le MRDA i bawm in an tuah mi a si tiah kan theih.
