Mon Unity Party (MUP) ah General Secretary a tuan lio mi Dr. Min Nuai Soe cu 2020 September 14 zaan ah a thi, tiah Mon Unity Party nih an thanh.
Kum 72 a si cang mi Dr. Min Nuai Soe cu Mudon Peng Ngiangon khua, amah inn ah zaan suimilaam 7:40 hrawng ah tar lei zawtnak in a thi.
Dr. Min Nuai Soe hi a luancia Mon Ramkulh Cozah ah Planning le Chawlehthalnak lei Minister a rak tuan mi a si. Mon miphun kong le caholh thanchonak kong ah kum saupi hruaitu a rak tuan cang. Dr. Min Nuai Soe cu Mon miphun thilthuam serchuahnak ah hruaitu a si bantuk in, thal caan ah Mon caholh cawnnak a thoktu pakhat a si ve. Cun, hlan lio thilri a chekhlatu le ca lei in tampi a rak chekhlattu a si ca ah, capar, chekhlatnak a tuah mi le cauk tampi zong a chuah cang.
Dr. Min Nuai Soe hi Cozah rian a tuan lio zong ah Kayah Ramkulh Ngandamnak Zung lutlai tiang a rak tuan mi a si. Cu hnu ah Cozah rian in a rak i din mi a si. (Ref: DVB)
