September 24, Mon ramkulh, Tanphyuzayet in Ye lei ah ralhraang motor 10 an kal lio ah Taungngyo PDF nih an bawh hna i an kah hna ca ah ralhraang motor 3 a rawk, ralhraang 20 nak tlawm lo an thi tiah Taungngyo PDF sin in kan theih.
Cu ralhraang motor tlar nih cun Ayekaba khua pawng ah an motor an dirter i khua chung lei ah hriamngan he hriamhme he an duh poh in an kah ca ah Ayekaba khua mi kum 17 nu pakhat a nunnak a liam tiah Taungngyo PDF nih an thanh.
