Lungvar mansung tampi a chuahnak Mandalay ramṭhen, Mogok khua nitlaklei cu Northern Alliance (AA, TNLA, MNDAA) chungtel a si mi TNLA nih an control cang, tiah theih a si.
June 25 ah Northen Alliance nih an thawk mi “Operation 1027 Part-2” min in TNLA nih Mogok khua kiangkap i SAC ralkap sakhaan pawl a doh hna i, zarh khat chung ah Mogok nitlaklei an control khawh hi a si.
“Mogok khua nitlaklei hmunram vialte cu TNLA le Mandalay-PDF (MDY) nih kan control cang,” tiah ralram ah a um mi ralkap pakhat nih People’s Spring ah a chim.
Mogok peng chung i SAC ralkap sakhaan pawl cu TNLA le NUG kut tang ah a um mi PDF nih an tuk i zarh khat chung ah meithal zun 43 an laak pin ah SAC ralkap 15 cu an nung in an tlaih hna, tiah theih a si.
