January 5, 2024
Laukkai khuapi ah a taang mi SAC Regional Operations Command-ROC (Dah-Kah-Sah) hmunpi le Nanhtanhming tlangthluan ah a um mi SAC ralkap a za nih MNDAA le a hawi phu he biaruahnak an ngeih hnu ah, hriamnam an chiah tiah ram chung media tampi nih an tial.
Nizan social media ah a thang mi video pakhat ah cun MNDAA nih SAC ralkap hna le an chungkhar pawl cu motor in Lashio lei ah an kuat cuahmah hna tiah an chim. Laukkai khua chung ah MNDAA ralkap pawl an i chawh mi le hriamnam an laak mi cheukhat zong hmuh a si.
Laukkai khuapi pumpi cu MNDAA nih an laak khawh cang caah Kokang hmunram dihlak MNDAA kutcung ah a um cang ti a si.
MNDAA le a hawile nih an laak khawh lo nakding ah SAC nih Laukkai ROC cu ralkap, hriamnam kuanzen le riahcaw tampi he a ven mi a si. Laukkai khuapi laaknak kongkau ah phung ning in thanhnak le hriamnam an laak mi hmuhsaknak cu an tuah rih lo.
