Mizoram thonginn in voi 2 tiang a zaam mi Myanmar rammi Pi Lal Chan Mawi (kum 44) cu Mizoram palek nih an tlaih khawh ṭhan, tiah theih a si.
Pi Lal Chan Mawi hi rithaisii zuar ruang ah Aizawl thonginn ah an rak thlak bal. 2023 November 30 ah khan Aizawl thonginn in a rak zaam nain 2024 May thla chung ah an tlaih khawh ṭhan.
Tlaih ṭhan a ton hnu, 2024 December 18 ah khan a hawinu he thonginn in an zaam ṭhan i Pi Lal Chan Mawi cu nizaan January 29 ah khan Champhai District ah an tlaih khawh ṭhan.
Amah he a zaam mi a hawinu hi Kalaymyo, Tahan khuasa Sui Nei Fel (kum 36) a si i, tlaih ding in palek nih an kawl cuahmah, tiah theih a si.
Thonginn in voi 2 tiang a zaam hnu ah tlaih ṭhan a tong mi Pi Lal Chan Mawi hi India-Myanmar ramri, Khuamawi khuami a si tiah theih a si.
