Mizoram, Aizawl District chung ah a um mi ralzaam camp ah nihin February 21 zaanlei ah inn kanghnak a chuak, tiah thawng kan theih.
Nihin zaanlei sml. 6:00 hrawng ah khan Aizawl District chung ah a um mi Sihhmui ralzaam camp (2) ah inn kanghnak chuah hi a si i, atu tiang ah inn 8 hrawng an kaang cang.
“Inn ngeitu pawl an i pumh kar ah atu bantuk in inn khanghnak a chuah hi a si. Gas ruang ah a si kho men. Asinain, mei kanghnak aruang ngaingai kan thei ve lo,” tiah minung pakhat nih Matupi Times ah a chim.
Atu thawng kan tial tiang ah hin mei a mit rih lo i, pawngkam mi hna nih mei thah khawh an i zuam cuahmah. Hi ralzaam camp ah hin Matupi lei ralzaam an tam, tiah theih a si.
