Remal thlichia ruang ah Mizoram chung i harnak a tong mi hna bawmhnak ca ah ti in CBCUSA nih $10,000 bawmhnak a pek hna, tiah theih a si.
CBCUSA nih hartong bawmhnak ca ah chawva lei in bawmhnak a pek mi kong cu Mizoram Chief Minsiter Pu Lalduhoma nih a Facebook cahmai ah a langhter.
“Naite leimin ruang ah harnak a tong mi hna bawmhnak ca ah tiin nihin ah khan CBCUSA nih Rs. 840,000 ($10,000) cu Chief Minister Relief Fund ah a kan pek,” tiah Pu Lalduhoma nih a ṭial.
May 27 in 28 tiang a hraang mi Remal thlichia nih Mizoram chung ah leimimhnak faakpi pin a chuahter i, innlo tampi a hrawh lawng si loin minung 30 leng zong an nunnak a liam, tiah theih a si.
