Mizoram State le Chinram karlak pehtlaihnak lam an cawh lio mi kong he pehtlai in Mizoram MP Pu K. Vanlalvena le AA hriamtlai cu nizaan February 29 ah tonnak an ngei, tiah theih a si.
Chinram, Paletwa le Mizoram, Zocachuah (Zorinpi, Zorinpui) karlak an cawh mi lam cu MP Pu K. Vanlalvena nih a zoh i, Myanmar ram lei in AA ralkap le India lei in Assam Rifle ralkap pawl nih runvennak an tuahpiak.
Chinram le Mizoram pehtlaihnak lam an cawh mi kong ah hmalak chap a hau mi le harsatnak a um kho mi kong pawl zong AA he ceihhmainak an ngei.
Lam zohfelnak le ceihhmainak an ngeih dih in AA ralkap camp ah chuncaw dum tinak an ngei hna.
MP Pu K. Vanlalvena cu Lai Autonomous District Council (LADC, Lawngtlai) hruaitu hna le Central Young Lai Association (CYLA) hruaitu hna nih khualtlawnnak ah an telpi, tiah theih a si.
News & Photo – The Lairam Times
