Mizoram Chief Minister (CM) Pu Zoramthanga le Chin Affairs Minister (CAM) Pu Lal Thawm Thang cu 2020 June 17 ah an i chawnbia tiah kan theih.
“Kan i chawnhbiak mi cu, Chinmi India ram sianginn a kai mi le Khualtlawng mi pawl cu Mizoram nih Covid-19 ruang ah tlun sianh loin an chiah mi hna kha, Chinram anmah le umnak khua cio an phak khawh nakding kongkau a si,” tiin Pu Lal Thawm Thang nih The Hakha Post ah a chim.
COVID-19 ruang i Mizoram ah Manipur le Chin aa taap mi pawl hi anmah le an ram chung cio an tlun khawh nakding ah phungning tein sohhlua tial a si mi cu, 2020 June 18 tiang ah an kan let rih lo. Dawnkhantu a um lo ahcun Tamu khua an phan lai i cu ka ah kharkhumh chung an si rih lai. Tamu khua ah an i tlum lo sual ahcun Kalaymyo ah chiah chung an si lai tiah Pu Lal Thawm Thang nih a chimchap.
Chinmi India ram ah sianginn a kai mi le khual a tlawng mi, minung 199 hrawng hi Mizoram nih Covid-19 ruang ah erhkhumh mi an si tiah kan theih.
