Mizoram, Lawngtlai District ah ralzaam a si lo mi, Arakan (Rakhine) miphun hriamtlai tampi an lut ti theih a si caah YLA Branch kip nih mahle hmun cio ṭuanvo laak in hlat ding ah Central Young Lai Association (CYLA) nih June 24 ah thawng a thanh.
“Ralzaam siloin, hriamtlai Rakhine miphun tampi kan ram ah a thli tein an rak lut ti kan theih. Hi kong ah hin CYLA nih cun ralzaam a si lo mi, ramdang mi (Arakan) a rak lut mi hna cu kawl in kuat ṭhan an herh tiah kan ruah,” tiah thawngthanhnak ah an ṭial.
Lawngtlai District hmun kip ah a um mi YLA hna nih mahle hmunhma cio ah chekhlatnak tuah ding le, an hmuhchuah mi cu 2024 June 30 hlan ah CYLA General Secretary sin ah report pek ding in theihternak an tuah.
CYLA cu Mizoram, Lawngtlai District ah a ngan bik le huhaam a ngei bik mi zatlang bu a si. Rakhine hriamtlai AA nih Chin ralkap hna he kahdohnak a ngol lo caah Lawngtlai District in Rakhine ramkulh lei ah eidin, petrol le thilri phorhtlunhnak zong June 24 ah CYLA nih a kham.
