Mizoram, Lunglei District chung ah Paletwa ralzaam 85 an phan ṭhan, tiah thawng kan theih.
Paletwa ralzaam 85 cu Lunglei District, Khuamawi khua ah an phan i, Lunglei district cozah lei nawlngeitu hna, VC le YMA upate zong nih April 2 ah an vung vehvat hna.
Ralzaam hna nih India upadi zulh a herh ning, rithaisii he aa pehtlai mi rianṭuan lo ding le upadi he aa kalh mi rian ah pehtlaihnak ngeih lo ding in an chimh hna.
A rak lut thar mi ralzaam pawl ca ah inn sakpiak ding in timhtuahnak an ngei i, hmunhma zohnak zong an ngei, tiah All India Radio Aizawl nih a langhter.
