Mizoram, Aizawl khuapi, Bawngkawn veeng ah Myanmar rammi pakhat sin in July 31 ah bing raang (Heroin) gram 358 an tlaih tiah Mizoram palek nih an thanh.
July 31 zaan suimilaam 7:50 hrawng ah Special Narcotics PS le BSF pawl i bawm in Bawngkawn area ah joint operation an ngei i, Myanmar ram, Bukphir khuami Gensawmtung sin in bing raang bawm 30 (358 grams) an tlaih tiah theih a si.
Gensawmtung cu rithaisii lei upadi le ramdang mi case in taza an cuai i amah he aa pehtlai mi hna zong kherhlai cuahmah an si tiah Mizoram palek nih an thanh.
