December 14, 2023| HP
December 12, Mizoram Champhai District, Zote ah Myanmar rammi pahnih sin in kanza (Sechoh) tam ngai an tlaih tiah tuanvo ngeitu hna sin in kan theih.
Assam Rifles le Excise & Narcotics Department nih thawngpang an theih mi zulhdawi in joint operation an tuah i Myanmar ram, Darkhai khuami Gin Sian Siam le Than Lam Chin sin in an tlaih mi a si tiah kan theih.
Sechoh an tlaih mi cu 14.5 Kg a rit i India tangka in Rs. 1,073,000 man a si. An phorhnak 125 motorcycle pahnih he an tlaih hna i phung ning in taza an cuai colh hna tiah theih a si.
