Assam Rifles le Custom Preventive Force nih November 20, Mizoram, Champhai District, Zokhawthar ah Myanmar lei in lutpi mi cigarette kuak tampi an tlaih.
Thawngpang an theih cia mi zulhdawi colh in Assam Rifles le Custom Preventive Force nih Zokhawthar ah Myanmar lei in a lut mi cigarette an tlaih, tiah India ramri hngak ralkap Assam Rifles nih an thanh.
Cigarette an tlaih mi cu caku kuang 5 le bawm 43 a si i, India tangka in 705,900 man a si tiah an langhter.
An tlaih mi cigarette cu Custom Preventive Force kut ah an pek i, phung bantukin tawlrel timh a si tiah kan theih.
