Myanmar ram in Mizoram ah luhpi mi kuva thei bag 60, pickup pahnih in phorh mi cu nihin August 25 chunhnu suimilam 1:00 in suimilaam 2:00 kar ah Bunghmun khua kuva thei cingtu hna nih an tlaih tiah tualchung media hna nih an langhter.
Tualchung Media nih an langhter ning ah, ‘Nihin chunhnu ah Kawrte khua, Taitesena thlaanmual pawng ah pickup pahnih a dir mi cu lunghrinh an si caah, a hmun ah an va kal hnawh hna. Bunghmun ah kalpi an si hnuah an chek hna i Myanmar kuva thei bag 30 veve an phorh mi hmuh a si. Kuva thei an phorh mi thumh a si hnu ah kuva thei hi hrawh dih an si,’ tiah an langhter.
Kuva thei phortu driver hna cu Tuirum le Teirei khuami an si i, an motor he Kawrthah palek sinah ap an si tiah theih a si.
