Sagaing ramthen, Minkin peng ah SAC ralkap le pyithusit pawl hmun an khuarnak Ingyintaung khuate SAC ralhraang camp cu PDF phukomh nih November 27 ah an laak tiah theih a si.
“Kan laaknak a sau pah cang nain humhimnak ruah ah kan rak thanh lo bia a si” tiah Minkin peng PDF ralkap pakhat nih Hlaing Info ah a chim.
Kahdohnak ah ralbawi tel in SAC ralkap panga, pyithusit 15, an dihlak 20 nak tlawm lo an thi. SAC camp cu kan duah taak tiah PDF ralkap pakhat nih a chim.
Kahdohnak ah SAC hriamnam a si mi MA-10 launcher zun khat, MA-5 pistol zun khat, .30Carbine zenthong 147, 5.56 zenthong 199, RPG bomb thei 11, mine pahnih, 40MM bomb thei panga, MG1 kut cheh bomb pakhat le Drone Jammer pakhat kan laak khawh tiah kahdohnak ah aa tel ve mi Student’s Revolutionary Force (SRF) nih a thanh.
Hmanthlak: SRF (Ingyintaung khua SAC camp bo kahdohnak ah laak mi hriamnam an si.)
