Mindat sii-inn pi ah zohkhenh le thlop a si mi COVID-19 mizaw a taang mi minung pali hna cu zawtnak an ngeih hnu an chek than hna nak ah damnak an hmuh cang ca ah sii-inn in chuahter an si cang tiah Mindat sii-inn uk Dr. Zaw Win Naing sin in thawng kan theih.
“Mindat sii-inn ah a taang mi mizaw pali hna cu nihin 2020 October 30 suimilaam 11:00AM tluk ah damnak an hmu than cang i chuahter dih an si. Mindat sii-inn ahhin COVID-19 zawtnak ngei minung 25 zohkhenh le thlop an si,” tiah a chim.
Atu sii-inn in a chuak mi hna hi case no. 31150, 31151, 31152 ld 31153 hna an si i, an pali ning in COVID-19 zawtnak ngei a si mi hringtu an nu an zohkhenhnak ah atu bantuk in zawtnak an i chonhbarh hi a si tiah kan theih.
Mindat khualuh hauka ah Paletwa ralzaam ca ah bawmhnak thilri a phurtu motor mawng 11 Test Kit in an chek hna nak ah minung pakhat sin in zawtnak zong hmuh a si. Mah zawtnak hmuh mi pa hi Magwe Ramthen, Pouh khuami a si i, Pouh khua an zohkhenh lai tiah thawng kan theih.
