SAC ralkap nih Mindat peng chung vanlawng kahdohnak ah UN nih a kham mi Cluster Bomb a hman hna, tiah Mindat peng mizapi ukhruaitu bu nih a chim.
Vanlawng bomb pakhat chung ah a puak chin kho mi bomb fa tete tampi an rawh chih mi khi Cluster Bomb tiah an ti i, ralram ah hman lo ding in le serchuah ti lo ding in 2008 ah UN nih a rak kham mi a si.
Cu bantuk bomb cu atu thla April 3 ah khan SAC nih Mindat peng, Circuit (13) ah a thlak i ngakchia pahnih tel in tualchungmi panga hliamhma an pu, tiah Mindat peng mizapi ukhruaitu bu nih a langhter.
SAC nih Cluster Bomb a thlaknak khuachung inn 12 hi an rawk dih cikcek i, siangnn le quarters zong a rawk mi chung ah an i tel.
2023 February, March le August thla chung ah a cang mi Karen, Shan le Karenni ramchung kahdohnak pawl zong ah SAC ralkap nih Cluster Bomb a hman, tiah DVB nih a langhter.
