Nihin March 15 chun ah Mindat peng chung ah SAC ralkap nih vanlawng in bomb an thlak caah nufa hna an nunnak a liam, tiah Mindat Mizapi Ukhruainak Bu nih thawng a thanh.
Nihin chun sml. 12:30 hrawng ah Mindat peng, Circle (3) SAC ralkap nih vanlawng in bomb a thlak hi a si i, kum 40 hrawng a si mi nutung pakhat le a fanu (kum 6) a nunnak a liam.
SAC vanlawng bomb ruang ah CDM a tuah mi cachimtu saya (kum 28) pakhat, pa ngakchia (kum 7 le kum 10) pahnih le kum 70 hrawng a si mi upa pakhat zong hliamhma an pu.
Cu pin ah, khuachung inn pakhat, biakinn pakhat le sianginn pakhat telh in inn dangdang zong an kaang, tiah Mindat Mizapi Ukhruainak Bu nih nihin ah thawng a thanh.
