2023 April 23 ah Kyaukhtu khua in a rak chuak mi SAC ralhraang hna le CDF-Mindat, CDF-Kanpetlet, The Youth Force (Saw, Kyaukhtu) phu komh hna kar kahdohnak a chuak i SAC ralkap pasarih an thi tiah CDF-Kanpetlet nih a thanh.
Zaanlei 4:00 in 5:00 kar, suimilaam pakhat chung an i kap i SAC lei pasarih an thi, rammi ralkap phu komh lei in CDF-Mindat ralkap pakhat hma a pu tiah theih a si.
Cu kahdohnak ah cun rammi ralkap nih SAC hriamnam a si mi 60MM bomb thei pakhat, 40MM bomb thei pakhat, MA kuan bawm pahnih le a dang thil zeimaw zat an lak khawh tiah an tial.
Kahdohnak a chuah than khawh caah tuanvo ngeitu phu nih an thanh mi tha tein zulh ding zong rammi sin ah CDF-Kanpetlet nih thawng a thanh.
