Nizaan April 1 zaan ah Mindat khuachung ah inn pariat an kaang, tiah theih a si.
Mindat khua, Bawathit sang ah nizaan zaan ah khan inn an kaang i, ahohmanh leng an chuah ngam lo caah mei thattu an um lo pin ah mei hmihnak ca ah tii zong a um lo caah inn riat an ciamh dih hi a si, tiah tualchungmi nih an chim.
Inn pariat a kangh hnu ah meithattu motor an rak phan i mei cu an hmih khawh, tiah tualchungmi nih an chim chap. Zeitindah mei a thawh ning a si ti mi hi fiang in an thei rih lo.
Kan hnu March thla chung zong ah Tedim peng le Tonzaang peng ah innkanghnak an chuak i a tlawm bik inn thum an kaang, tiah thawng kan theih.
