SAC ralkap nih Mindat peng chung ah vanlawng in kahdohnak pehtlai in a tuah lawng si loin Mindat khuapi chung zong ah innkhanghnak pehtlai in a tuah i, Septeber 27 tiang ah inn 50 hrawng an khangh cang, tiah thawng kan theih.
September 26 ah khan Mindat khua i MPT zung lei kalnak lamcung ah a ummi inn 5 cu SAC ralkap nih mei in an khangh i cu innkhanghnak ah cun inn 10 tiang a tlaih, tiah tualchungmi nih an chim.
Nizaan September 27 zaanlei zong ah Mindat khua, Asih-pin sang Phungki sianginn pawng i inn 3 cu SAC ralkap nih mei in an khangh chap.
SAC ralkap nih atukar hrawng Mindat khuachung ah innkhanghnak pehtlai in an tuah caah thla hnih chung inn 50 hrawng mei ah an ciam cang, tiah theih a si.
