Mindat khuapi chung ah SAC ralkap nih ralkap tla ding mincazin laak hram an thawk, tiah theih a si.
Khuami pakhat nih, “Nihin ah khan nichuahlei sang le Kanpetlet lamṭhen lei ah mincazin an laak,” tiah The Mindat Post ah a chim.
Mindat khua in milu 70 hrawng hi ralkap tlaker ding in SAC ralkap nih aa tinh mi a si nain minung an hmuh khawh chung poh cu laak dawh an si, tiah a chim chap.
“Kum rikhiah cu biapi ah an chia lo an ti. An i tinh mi milu tlin khawh tu hi an i zuam bik. Cucahcun, khuachung umkal i ralrin cio a hau,” tiah khuami pakhat nih People’s Spring ah a chim.
February 10 ah SAC ralkap nih rammi ralkap tlaknak upadi a nunter i cu caan thawk cun Yangon, Mandalay, Sagaing le Naypyidaw (Pinmana) tibantuk ah innchungkhar cazin laak le mino tlaihkhih a hung um ngai, tiah Myanmar ram Mainstream Media pawl nih an ṭial.
