Mindat khuachung ah September thla thawk in inn kanghnak a zual chin i a tlawm bik inn 70 leng an ciam cang tiah theih a si.
“Cucu, Mindat hrambunh KhaLahYah-274 SAC ralkap nih an khangh mi an si tiah a chim mi an um bantukin, drone in bomb an thlak caah a kaang mi an si tiin a chim mi zong an um,” tiah The Mindat Post nih a ṭial.
SAC tu nih cun Mindat khua ah inn kan khaang lo tiah an i pheh. Mizapi nih ṭih hna seh, inn panh ngam hna hlah seh tiah media nih an thanh hramhram mi a si tiah October 11 ah an rak thanh ve.
SAC ralkap nih timh ciammam in Mindat khuachung inn an khangh, drone in bomb an thlak mi le miakpi in an kah ruang ah 2024 September thla in October thawk ka tiang ah sang pali chung inn 70 nak tlawm lo a ciam cang tiah tualchung media a si mi The Mindat Post nih a tial.
Photo Credit: The Mindat Post
