Mindat khuachung ah SAC ralkap nih kum 40 cung a simi pa pawl an tlaih hna i, Kha-Lah-Yah (274) ralkap sakhaan ah an kalpi hna, tiah tualchungmi nih an chim.
Tualchungmi pakhat nih, “Kum 37, kum 38 le kum 39 a simi pa pathum SAC ralkap nih an tlaih hna. RC biakinn lei ah facang cawk ding in an kal lio ah an tlaih hna. Kei zong thinphang ngaiin ka zaam. Mah hnu ah a dang an tlaihmi hna zong an um,” tiah a chim.
Atu September 3 zong ah khan sianginn a kaimi siangngakchia cheukhat SAC ralkap nih an tlaih hna i cu chung ah cun siangngakchia pakhat cu an thlah ṭhan, tiah theih a si.
AA le CDF-Mindat nih Mindat khua doh ding in timhtuahnak an ngei timi thawngpang a len bang in SAC ralkap nih Mindat peng chung ah vanlawng le hriampi in kahdohnak pehtlai in a tuah, tiah theih a si.
