Hriamnam in dohthlennak a chuah hnu ah Mindat peng chung ah eidin tirawl a har chinchin i kum khat chung banhla le tantapum lawng ei in khua a sa mi an um, tiah theih a si.
Mindat khuapi kahdohnak a chuah lio ah hawi dang cu an zaam dih nain pitar pakhat cu zaam lo in a um i, ei ding facang ngeih ti lo caah banhla le tantapum lawng kum khat chung a ei, tiah video in minung pakhat nih a langhter.
Video a thlatu pa nih, “Ei awk facang a ngeih lo caah tantapum, banhla le tisik anhnah lawng kum khat chung a ei,” tiah a chim.
Mindat khuapi chung ah hi bantuk kum upa tar tampi an um pin ah cawlcangh aa har mi hna le thluak a chambau mi cheukhat zong an um, tiah a langhter chap.
