Rakhine ramkulh, Minbya peng chung ah SAC ralkap nih March 18 ah vanlawng in bomb a thlak caah tualchungmi 23 an nunnak a liam i, minung 30 leng hliamhma an pu, tiah theih a si.
March 18 zinglei sml. 1:30 hrawng ah Minbya peng chung i Muslim tampi an umnak Tharde khuate cu SAC ralkap nih vanlawng in bomb a thlak hi a si.
SAC vanlawng bomb thlaknak ruang ah bawhte, ngakchia le tar minung 23 an thih pin ah a dang minung 33 hliamhma an pu i, inn tampi an rawk.
SAC ralkap nih sualnak ngei lo Tharde khuami pawl bomb a thlak mi hna kong he pehtlai in UN General Secretary António Guterres a lungre a thei hringhran, tiah UN chimnak nawlngei Stéphane Dujarric nih a chim.
