SAC Chairman Min Aung Hlaing ṭhumhthlak ding in rian an ṭuan tiah puh mi ralbawi pahnih le USDP Party cungtel upa pakhat cu SAC ralkap nih an tlaih hna, tiah theih a si.
Tlaih a tong mi hna cu U Thein Sein chan ah Myanmar ram cinthlak lei vuanci a rak ṭuan mi U Myint Hlaing, Min Aung Hlaing ruahnak petu Leutinant General Nyo Saw le Leutinant General Aung Soe hna hi an si.
U Myint Hlaing cu April 9 ah khan an tlaih i nihnih a rauh hnu April 11, zaan sml. 9:00 hrawng ah Leutinant General Nyo Saw le Leutinant General Aung Soe zong an tlaih ve hna.
Min Aung Hlaing thlak ding in an i zuam ruang ah an tlaih hna tiah thawngpang a leng ngaingai nain an pathum ning in ziknawh eihmuarnak case in tazacuai an si.
Nihin April 12 zong ah Naypyidaw khuapi chung lamṭe le luhchuahnak kip ah SAC ralkap nih runvennak chah ngai in a tuah i ralbawi dangdang tlaih an timh mi hna an um rih kho, tiah an zumh.
