MTC/MDF le IMC/CDF-Mara i fonh ding in lungtlinnak an rak ngei nain caan karlak chung ah MDF nih hnatlaknak cheukhat a buar ruang ah i fonhnak rian pehzulh lo ding in IMC/CDF-Mara nih June 12 ah ca a chuah.
MTC/MDF le IMC/CDF-Mara i fonhnak kong he pehtlai in May 22-23 ah biaknak lei upa hna tlangtlaknak in MTC/MDF le IMC/CDF-Mara palai pawl ton biaruahnak an rak ngei i, i fonh ding in hnatlaknak an ngei.
Cu hnatlaknak ah cun kap hnih nih zulh ding pasarih an ser i cu chung ah cun kap hnih nih an tlaih mi thongtla thlahpiak ding le kap hnih Commander-in-Chief hnatlaknak in hmunram tannak nawl pek ding ti mi zong an i tel.
Asinain, MTC/MDF lei nih IMC/CDF-Mara ralkap an tlaih mi hna thlah an duh lo caah le MTC/MDF hmunram chung umkal ding in CNA nih nawl an hal mi cu MTC/MDF lei nih an onh hna lo caah i fonhnak rian pehzulh lo ding in IMC/CDF-Mara nih ca a chuah hi a si.
Hi kong he pehtlai hin MTC/MDF lei in atu tiang ah cun mizapi sin ah theihternak le fianternak ca a chuah mi a um rih lo.
