Lailenpi le Sapaw khua karlak ah a ummi Pintia khua i CNA le CDF-Mara sakhaan cu November 11 ah zaanlei ah MDF le AA nih an laak, tiah thawng kan theih.
Tualchungmi pakhat nih, “Zaanlei suimilam pathum hrawng ah AA le MDF nih an rak doh. Hriampi le Drone zong an hman. Suimilam pakhat fai hrawng an i kap,” tiah a chim.
Kap hnih i kahdohnak a chuah lio ah khuachung ah a tlami hriampi ruang ah tualchungmi Pi Ni Zi Par a nunnak a liam i hliamhma a pumi khuami cheukhat zong an um.
Pintia khua sakhaan in CNA le CDF-Mara pawl cu hnu ah an tolh i cu sakhaan ah cun MDF le AA nih hmuhma an khuar cang, tiah khuami nih an chim.
Kap hnih i kahdohnak ah a nunnak a liammi le hliamhma a pumi ralkap an um le um lo fiang in theih a si lo.
