SAC ralkap pathum kan sin ah i dor ding in an rak zaam tiah PDF-Zoland nih an thanh.
Cu SAC ralkap pathum chung ah pakhat cu hriamnam tling he a rak i dor i a dang pahnih zong an him nakding hmun ah kan thlah cang hna tiah PDF-Zoland nih an thanh.
Hriamnam tling he a rak i dor mi cu Tedim hrambunh SAC ralhraang battalion IB-268 in ralkap Sa Thein Aung a si i May 31 ah Meithal zun khat, kuan bawm 4 le zenthong 260 he a rak zaam. Hriamnam he a rak i dor mi SAC ralkap cu laksawng tangka Kyats Sing 50 an pek hnu ah a him nakding hmun ah an thlah tiah an langhter.
Cu bantuk cun, May 13 ah Tonzaang khua ah a um mi Falam hrambunh IB-268 ralkap pahnih zong an rak zaam i PDF Zoland nih an tlaih hna hnu ah an himnak hmun ah an thlah hnanak zong an langhter. A rak zaam mi SAC ralkap pahnih cu Lah Min Aung le Myo Chit an si tiah an thanh.
#######
