Matupi-Paletwa lam, mengtun 14 le 15 kar Chin ralkap hna le SAC kar kahdohnak ah SAC ralhraang lei in 13 an thi tiah CDF-Matupi nih nihin ah an thanh.
March 20 ah Matupi in Thiboi SAC ralkap camp ah riahcaw chanh ding in motor pathum he a ra mi ralhraang 80 hrawng cu March 24 ah Matupi-Paletwa lam, mengtung 14 le 15 kar ah Chin ralkap CNA le CDF-Matupi nih bomb an puah hna i ralhraang 7 an thi tiah theih a si.
Cu hnu ah rammi ralkap lei nih kahdohnak voi thum an tuah than i SAC ralhraang 6 an thichap, pasarih hma an pu. Chin ralkap lei in CDF-Matupi ralkap pakhat hma a pu tiah an langhter.
Matupi-Paletwa lam, mengtung 16, Wapung lampial pawng hrawng ah SAC ralhraang nih bomb rap an hmanh ca ah, cu bomb pawl thianh khawh hnu lawng ah tlunkal ding in CDF-Matupi nih zapi sin thanhnak an tuah.
