Matupi khua laak kahdohnak ah AA i tel lo ding in le Matupi in AA chuah ding in Malaysia ah a um mi Matu mipi nih cathanh an chuah.
Matupi khua laak kahdohnak kong he pehtlai in Chinland Council le Chin Brotherhood karlak buaibainak ruang ah kahdohnak tiang a chuak i, kap hnih in thihlohnak a um caah kan lung a ṭha lo tuk, tiah cathanh ah an langhter.
Cu bantuk Chin miphun unau karlak thisen i chuah cu Malaysia um Matu mipi nih an duhlonak kong an langhter i, dai le rem te in chimphoih ding in forhfialnak zong an tuah.
Cu lawng si lo in Malaysia um CDF-Matupi a dirkamhtu vialte nih Matupi khua laak kahdohnak ah AA i tel lo ding in an duhnak an langhter.
