Matupi kahdohnak in a zaam mi SAC ralkap minung 20 hrawng i an ruhro pawl cu Matupi le Mindat karlak ah an hmuh hna, tiah theih a si.
Hi SAC ralkap ruhro pawl hi June thla chung i Matupi khua laak kahdohnak lio ah a rak zaam mi SAC ralkap pawl an si lai, tiah an zumh.
Mindat peng ralzaam lei tuanvo ngeitu upa Ko Loren nih, “Ramlak ah thla khat chung an vai i eidin tirawl an ngei ti lo pin ah chungtlik zawtnak in an thih caah a si lai,” tiah a ruahnak a chim.
Matupi khua laak kahdohnak lio ah SAC ralkap 120 hrawng an zaam tiah an ti i, a dang zaam mi pawl zong hi ramlak hmun khatkhat ah an thi kho tiah an zumh.
