Matupi Palek Sakhan in Coporal Yan Shin Aung le a chungkhar cu 2023 November 30 ah hriamnam kuanzen he CDF-Matupi sin ah an i fon tiah theih a si.
Coporal Yan Shin Aung nih G3 meithal zun khat, kuan bawm pahnih le zenthong 104 a rak i ken tiah CDF-Matupi nih a thanh.
Rammi mizapi lei ah a rak i fon mi Yan Shin Aung le a chungkhar cu CDF-Matupi nih an biakam bantuk in laksawng tangka Kyats sing 50 an pek hna, tiah an tial.
Matupi peng chung ah a um mi SAC ralkap le palek hna nih a rannak in CDF-Matupi sin ah rak i fon uh tiah a donghnak bik kan in sawm hna, ti zong an langhter.
Photo: CDF-Matupi
