Matupi khuapi chung ah kahdohnak a chuak lai ti mi thawngpang a len caah khuami mi tam deuh cu hmun dang ah an zaam hna, tiah thawng kan theih.
Tualchungmi pakhat nih, “Mizoram lei ah a zaam mi an um bantuk in Matupi peng khuate lei ah a zaam mi zong an um hna. Zaamnak kong ah harnak a tong mi pawl lawng khuachung ah an taang,” tiah a chim.
Matupi khuami tam deuh an zaam caah atukar cu Matupi khuachung zong a hun king ngaingai tiah theih a si.
Matupi ah hin SAC ralkap battalion pathum an um i khuachung i abiapi mi hmun pawl ah hmuhma an la hna.
Matupi le Phanai karlak, Matupi-Hakha lamcung ah a um mi SAC ralkap hmunkharnak Matupi District zungpi cu May 30 ah khan CDF-Matupi Brigade-2 (Vakok Battalion) nih an rak laak, tiah theih a si.
